Muettertagsversli

5 Finger chömed deher zlaufe,
sie möchted zum Muettertag nüt chaufe.
Mer chan doch mit anderne Sache
am Mami e Freud mache.

De Erschti pflückt en Bluemestruss.
De Zweiti macht chli Ordnig im Huus.
De Dritti hilft ide Chuchi ganz fescht.
De Vierti tischet und richtet de Rescht.
De Füfti bin ich und chum ganz am Schluss,
tuen bastle für dich und gib dir en Kuss.